Afrikaans: Satellietbeeld in natuurlike kleur van die Botetirivier in Botswana. Die rivier ontvang water wat uit die Okawangodelta oorvloei na die suid-ooste, voordat dit noordwaarts draai na die uitgebreide Makgadikgadi-soutpanne. In hierdie beeld word die watervloei onderbreek voor dit die Makgadikgadi bereik, wat na die ooste lê.

Die rivier maak 'n langs reeks haarnaaldraaie, en spoel oor in aanliggende vloedvlaktes aan die buitekant van enkele van hierdie kurwes. Twee opvallende oorvloeie van hierdie aard is sigbaar naby die middel van die beeld, en na die ooste is 'n ander oorvloei sigbaar in die vorm van 'n stewel, waar die oorstroming waarskynlik landerye benat, en begrens word deur 'n nabye pad.

Onder regs op die beeld loop die Botetirivier dood, en stroomop van hierdie eindpunt is die rivier besonder nou. Die watertoevoer is moontlik onvoldoende om die Boteti na die nabye soutpanne aan te dryf. Volgens Frank Eckhardt van die Universiteit van die Kaapstad was die teenwoordigheid van water in die riviervallei 'n ongewone verskynsel teen 2010, en enkele waarnemers was van mening dat die Boteti 'n dooie rivier was. Verslae op natuurblogs het aangedui dat die Boteti in September 2009 matig water gehou het, maar volgens Eckardt het die laaste beduidende vloed in 1991 voorgekom.

Buite die riviervallei is die landskap uitgedor deur die droëseisoen, en aanliggende riviervalleie, vloedvlaktes en soutpanne is sigbaar in vaal en bruin skakerings.